જીવન પતંગ

જીવન પતંગ બની પતંગ હદયોને આનંદથી ભરી દેવું છે,

ભલે લૂટાવું પડે પ્રસન્નતાનું ઝરણું ધરી દેવું છે.

કપાય જવું પડે ને નેસ્તો નાબૂદ થાય આ હસ્તી,

ખુશીથી ભરવા જીવનોને ખુદને સમર્પિત કરી દેવું છે.

પવનનો વેગ છોને ખેંચે આમ તેમ,ફંગોળે અસ્તિત્વને,

ઉડાન પામી એક ઉચ્ચ સ્નેહે વિસ્તરી દેવું છે.

છે દોરી આ શ્વાસ તણી સર્જનહારના હાથમહીં,

જેટલી હોય લંબાઈ તેટલા ઉલ્લાસે ઝરી દેવું છે.

થઈને હરહંમેશ પ્રેમનો પતંગ,બનીને પ્રિતની દોર,

મનગમતા હાથોમાં જીવનને પૂર્ણ કરી દેવું છે.