લાઈબ્રેરી
પ્રોફાઈલ
વરસાદ ભલે બહું રાસ રમે
વરસાદ ભલે બહું રાસ રમે
1 min
416
છંદ : તોટક
વરસાદ ભલે બહું રાસ રમે,
તરસી ઘરતી જલપાન કરે... વરસાદ૦...
ધગતી અગની બનતી અવની,
નમણી રમણી ઘરનાર બને…
ઘનઘોર વને મન મોરલિયો,
ટહુકી ટહુકી થનગાટ કરે… વરસાદ૦...
રમતી કૂદતી જલ વાદલડી,
વરસી વરસી જલદાન કરે…
ગગને ગગને રવ વીજલડી
ચમકી ચમકી અજવાસ કરે… વરસાદ૦...
નદને મળવાં સરિતા ઝરણાં
હરખી હરખી નવનીર ભરે…
પલળી પલળી મન 'અર્જુન'નાં,
ઉછળી ઉછળી નવગાન લખે... વરસાદ૦...
શબ્દ સમજ -
અગની : અગ્નિ
રવ : વરસાદનો અવાજ, ગર્જના
નદ : દરિયો
