ચકલી ગયાં પછી
ચકલી ગયાં પછી
ઘટાટોપ લીલા ઝાડમાં ન પાન લાગે છે,
ઓલી ચકલી ગયાં પછી એ વેરાન લાગે છે,
ચિચિયારીથી ગુંજતું 'તું,
ચણચણ એ તો ચણતું 'તું
માળામાં એ વસતું 'તું,
એમાં જ એ તો હસતું 'તું
પણ આજે તો ખંડેર એક મકાન લાગે છે,
ઓલી ચકલી ગયાં પછી એ વેરાન લાગે છે…
પાંપણ હોત તો એને પલાળત,
એકલું બેસી આંસુ પાડત
વાચા હોત તો અવાજ નાખત,
ચકલીને એક સાદ આપત
પણ આજે તો સાવ એ હેરાન લાગે છે,
ઓલી ચકલી ગયાં પછી એ વેરાન લાગે છે.