રુંધાતી લાગણીઓ

જ્યાં વહેતી હતી નદી ક્યારેક, આજ વેરાન એ પટમાં,

શોધો તો લાગણીનાં બંધિયાર ખાબોચિયા મળશે જ !

વરસતી ઘટા ઘનઘોર બારેમાસ, થયા ત્યાં આજે રણ,

શોધો તો લાગણીનાં ઠાલા મૃગજળ દોડતાં મળશે જ !

વસ્યું હતું નગર આખું એક સમયે, દબાયું પથ્થરો નીચે,

શોધો તો લાગણીની ચહેલપહેલની પદ્દછાપ મળશે જ !

દફન અનેક કબરો નીચે જિંદગીની વણકહી દાસ્તાનો,

શોધો તો લાગણીનું એકાદું ફૂલ ફૂટી નીકળ્યું મળશે જ ! 

'દીપાવલી' પથ્થરદિલ ઇમારતો નીચે ચગદાયું ઉપવન,

શોધો તો લાગણીનું રેત ચણતર તિરાડોમાં મળશે જ !