સલામ શહીદને
સલામ શહીદને
જે આજ ઊભી મહાલતો અડીખમ દેશની રે,
એ પાયાનો પથ્થર મા ભોમનો વીર શહીદ રે !
જે આજ ધધકતી સ્વાતંત્ર્ય વેદી અખંડિત રે,
એ સ્વાહા થયા શહીદ સ્વ રક્ત બલી ચડી રે !
જે આજ છાયી લાલિમા ખુશી બની સઘળે રે,
એ રંગ રક્તિમ ભારતનાં વીર શહીદ તણો રે !
જે આજ સગવડ શૈયા પર ભારતીય પોઢે રે,
એ નજરાણાનું મૂલ વીર શહીદ કેરું માથું રે !
જે આજ હર આંગણ પ્રગટી 'દીપાવલી' રે,
એ સલામ તિમિર ઓળા ગળનાર શહીદોને રે !