યાદોનાં મુખવાસનો ફાકડો
યાદોનાં મુખવાસનો ફાકડો
એકલી એકલી હસું, હસતાં હસતાં રડું,
લાવ ને, યાદોનાં પ્રદેશમાં એક છેલ્લી લટાર કરું !
આ તરફ અગણિત ખુશી, બીજામાં ગમ,
લાવ ને, સરવૈયું વીતેલા વર્ષનું છેલ્લે સરભર કરું !
ખાટી-મીઠી, તીખી-તુરી 'ને થોડી છે ખારી,
આવ ને, યાદોનો મુખવાસ કરી છેલ્લે ફાકડો કરું !
આપ્યું, છીનવ્યું, વીતેલું વર્ષ ભેળસેળ રહ્યું,
લાવને, જે હાથ રહ્યું એને ભેટી છેલ્લે મારું કરું !
દીપાવલી જે હવે આવશે એ નવું જ હશે,
લાવ ને, જુનાને પ્રણમું, નવાંની છેલ્લે વધાઈ કરું !