રુડું વતન ગરબો
રુડું વતન ગરબો
મા ભારતી અભયપદ દાયિની રે
સાંભળ માટીનો સાદ ભીડભંજની
મા ભારતી..
વામણા પડ્યા સુખ સ્વર્ગનાં રે
લેવો વતનમાં શ્વાસ ભીડભંજની
મા ભારતી..
રક્ત રેલાયા અહીં વીરોનાં રે
જન્મભૂમિની એ તો શાન ભીડ ભંજની
મા ભારતી..
રામ ને કૃષ્ણ અહીં રમ્યા રે
એળે ન જાય અવતાર ભીડભંજની
મા ભારતી..
ભક્તો શૂરા અવતર્યા રે
ગુંજે ભક્તિનો નાદ ભીડભંજની
મા ભારતી..
સપૂત ખેલંતા કેસરિયા રે
વાઢયા માથા તારે કાજ ભીડભંજની
મા ભારતી..
કીધા રાસ જોગણિયુ જૌહર રે
સતનાં તે ડાકલાં વાગ્યાં ભીડભંજની
મા ભારતી..
માને સોહે ચુનર લીલુડી રે
ઓઢાડે જગનો તાત ભીડભંજની
મા ભારતી..
યોદ્ધો ભડવીર ભારતનો રે
ઝીલ્યા છાતીએ વાર ભીડભંજની
મા ભારતી..
જયકારો દસે દિશ ગુંજ્યો રે
એવા તિરંગાને માન ભીડભંજની
મા ભારતી..