તકાજો સમયનો

સમયની બુલંદ ચાલને નાથી શક્યું ન કોઈ,

વહેતાં મુક્ત ઝરણાંને બાંધી શક્યું ન કોઈ !

મા કર તું કોશિશ સમયને અજમાવવાની,

એની વિરુદ્ધ અડીખમ રહી શક્યું ન કોઈ !

ભરાતું એક-એક ડગલું છે સમયનો પડકાર,

હામાં હા કર્યા વગર ચાલી શક્યું ન કોઈ !

પારખી લે તકાજો સમયનો સમયનાં રહેતાં,

પોતીકો બનાવ્યાં વિણ જીતી શક્યું ન કોઈ !

મિલાવજે એનાં કદમ સંગ કદમ '*દીપાવલી'

સામાં પ્રવાહે જઈ સમયને તરી શક્યું ન કોઈ !