દીકરી અમુલખ રતન
દીકરી અમુલખ રતન
ઋણાનુબંધ કોટિ જન્મનાં થયા ઉજાગર,
અમુલખ દીકરી રતન જો મુજ ખોળે રમતું !
અઢળક પુણ્યો જન્મોજન્મનાં થયા ઉદય,
અમુલખ દીકરી રતન જો મુજ ખોળે રમતું !
અતિ સૌભાગ્યે થયો મહાન દૈવી અવતાર,
અમુલખ દીકરી રતન જો મુજ ખોળે રમતું !
કરે આંગણ પાવન એની પગલીની છાપ,
અમુલખ દીકરી રતન જો મુજ ખોળે રમતું !
પરમ શુકનવંતો એની આંગળીઓનો સ્પર્શ,
અમુલખ દીકરી રતન જો મુજ ખોળે રમતું !
થયું સ્ફુટ પ્રકૃતિ તણું રહસ્ય ઘેરું તનયારૂપ,
અમુલખ દીકરી રતન જો મુજ ખોળે રમતું !
સક્ષમ ભેદવા પિતા હૃદય તણો કિલ્લો અભેદ,
અમુલખ દીકરી રતન જો મુજ ખોળે રમતું !
ઉતારતી માવડીની વણબોલી પીડાનો ભાર,
અમુલખ દીકરી રતન જો મુજ ખોળે રમતું !
'દીપાવલી' ની દિવડી દીકરી અજવાળે સંસાર,
અમુલખ દીકરી રતન જો મુજ ખોળે રમતું !