સિદ્ધિ મળતી દ્વારે

હોય ઈરાદો ઉરે બુલંદ ! મળતી સિદ્ધિ દ્વારે,

કર મહેનત તું સદા ભરપૂર, જડતી સિદ્ધિ દ્વારે.

લક્ષ્ય નક્કી તો, નજર અંદાજ, કર કંટક સકલ,

વીંધજે પુરુષાર્થ શર લઇ તો જ વરતી સિદ્ધિ દ્વારે.

આભથી  અંગાર ઓકે, સૂર્ય પણ મારગ મહીં,

આગ શી અડચણ કરી લે પાર, ફળતી સિદ્ધિ દ્વારે.

છે 'સફળતા' દોહ્યલી, કપરા ચઢાણે પામશો ભઇ,

હામ દિલમાં સંઘરી, કર યત્ન, ખરતી સિદ્ધિ દ્વારે.

આંખમાં ઉંજણ અનોખા આંજ! તો છે શક્ય સઘળુ,

પાડ 'શ્રી' પ્રસ્વેદ બિંદુ રોજ, હસતી સિદ્ધિ દ્વારે.