સ્વતંત્રતા

પંખીને મુક્ત ગગનમાં તું ગાવા દે !

માળે માળે થતો કલશોર થાવા દે !

ચકલીની ચીંચિયારી કોયલનું કુંહું

ભ્રમરને પણ મધુરા ગીતો ગાવા દે !

વર્ષા આગમને થનથન થતો મોરલો

ઢેલડીને પણ પ્રણય ગીતો ગાવા દે !

ગિરિ શૃંગે અથડાય વાદળો વર્ષાનાં

વહેતાં ઝરણાંને પ્રકૃતિનાં ગીતો ગાવા દે !

ખીલી છે વસંત ચારેકોર મઘમઘતી

માનવ મનડાને મનપસંદ ગીતો ગાવા દે !

પંખીને મુક્ત ગગનમાં તું ગાવા દે !

માળે માળે થતો કલશોર થાવા દે !