પ્રેમ પદારથ.

પ્રેમ પદારથ સૌથી ઊંચો, પ્રીત થયે જે પરખાતો. 

પ્યાર એ તો વહેતું ઝરણું, કોઈ પ્રેમીજન મલકાતો.

સપ્તરંગી લાગે દુનિયાને, સર્વત્ર બસ પ્રેમી દેખાતો.

સ્મરણમાત્રમાં થાય આનંદ, વારેવારે હો મુલાકાતો.

ચિત્ત પ્રેમાસક્ત બનીને, ભૂલાતી વ્યવહારની વાતો.

હૈયું સ્પંદને નામ પોકારેને, હાલતાં ચાલતાં એ ગાતો.

પ્રેમીને પ્રસન્ન કરવા કાજે,મોંઘીદાટ દ્યે ભેટસોગાતો.

ના નજરાય અવગુણ એકે,ખૂબીથી હોય એને નાતો.

નિર્મળ, નિર્ભેળ,સ્વાર્થરહિત પ્રેમે ઇશ પણ હરખાતો.

લાગણીભીનાં હૈયાં પોકારે,છો જમાનો બદલાઈ જાતો.