તાન્કા
તાન્કા
1 min
327
જગમાં જુઓ
છુપાયા કેવા રંગો
રંગબેરંગી
ભાસતી દુનિયામાં
લાગે કરુણ રંગો
આ સપ્તરંગી
પતંગિયું ફફડે
આખરી ઇચ્છા
રંગહીન કરજે
પ્રભુ ! આવતા જન્મે
આ લીલીવાડી
દેખાવે સારી પણ,
બા ચિંતવતા
બેઠા ઘરડાંઘરે
ઉજ્જડતા શું ખોટી ?
શ્વેત ચામડી
નસીબદાર જાણી
એસિડનો ઘા
હાય ! આ કુરૂપતા
કેમ રે વેંઢારવી ?
રણસંગ્રામે
શત્રુને હરાવતા
શહીદ બન્યો
તમન્ના સો જન્મની
કરવા કેસરિયાં.
અસ્ત્રનો માર
ગર્ભસ્થ આ બાળકી
લાલચટક
સ્ત્રી જ નહિ હોય તો
નવા જન્મ શે કૂખે ?