ખેલ જીવન -મૃત્યુ સંગ
ખેલ જીવન -મૃત્યુ સંગ
છે ખેલ શું આ શતરંજની રમત નો?
પ્યાદા બની રમી રહ્યા સૌ માણસો,
પરંતુ અહીં હાર નક્કી જ છે મૃત્યુ સામે,
ભલે ભજવે પાત્ર સૈનિક કે રાજા , રાણી નું!
છે ખેલ શું આ કઠપૂતળી નો?
અદૃશ્ય દોર સંગ બંધાયેલા છે સૌ કોઇ,
છે જીવન શરણાગત કુદરત હસ્તક,
તૂટી જાય દોરી અને ખેલ સમાપ્ત !
છે ખેલ શું આ ઑલિમ્પિક દોડ નો?
જીવનભર દોડતા માણસો,
એક અંતિમ લક્ષ્ય ભણી રાખી નજર.
પરંતુ ક્ષણભર માં બને મૃત્યુ ને વશ!
છે ખેલ શું આ સાપ સીડી નો?
જીવનભર ચડે,ઊતરે સીડીઓ ,
સમય આવ્યે, બને કોળિયો કાળસમાન સર્પ નો!