શ્રદ્ધાસુમન

હું યાદ કરું એ પળ જે કદાચ આખરી હશે,

નથી ખબર મને કેટલી આકરી હશે !

સુગમ સુગંધી વસંતની પો'ની શાંતિ

કોને ખબર હતી કે કુરબાની લેશે !

અડતાલીસ સપૂતોના ધબકતા હૃદય સરહદે,

કોણ જાણતું' તું ઓચિંતા થંભશે !

પ્રેમ પ્રસ્તાવના પ્રસંગો હર વર્ષ આવતાં'તા,

કોને ખબર હતી કે આવી દુર્દશા કરશે!

હર્ષિત હવા, સુગમ સવાર એકાએક ધડાકે,

કોણ જાણતું' તું શોક હતો હર્ષ વેશે !

ચિંથરેહાલ દેહ રક્ષકોના વેખરેલ પડ્યાં' તા,

એમાં કયો કોના દેહ નો અંશ, કોણ કે'શે!

અપાર અશ્રુ મૌન માતમ ભારત ને, વેલેન્ટાઈન ડે,

કોને ખબર હતી આવો ઉપહાર દેશે !

- તીર્થ સોની "બંદગી"

રાજકોટ