સુમન

પોર પડી ને ઉઠ્યા સુમન

ઢળ્યા રવિ ને પોઢ્યા સુમન

ઉપવન માં ડગમગતા સુમન

ગીત મધુરાં ગાતાં સુમન

ભમરાઓ ની શાળા સુમન

મઘ મીઠું મલકાતાં સુમન

તરુઓ શણગારતા સુમન

આસપાસ મહેકાતા સુમન

કો' કેશ ને સજાવતા સુમન

કોઈ મઝાર ચઢાવતાં સુમન

આળોટતાં હરિ ચરણોમાં કદી

મનુષ પદે કચડાતા સુમન

વ્રત માં વિશ્વાસ વર્ણવતાં સુમન

સૌન્દર્ય લજવતા સુમન

કાળમીંઢ કાળજે ખીલતાં સુમન

ઝરણાં કાંઠે બેઠાં સુમન

શમણાં તૂટયાં ઉગ્યાં સુમન

શબ્દો પહેલાં પુગ્યાં સુમન

ઉત્સવ પ્રસંગ કે શોક મરણ

સૌ એ ફક્ત શોધ્યાં સુમન

પ્રથમ શાખ પછી પર્ણ બન્યાં

ને કળી ખુલી ને ખીલ્યાં સુમન

- બંદગી