મિથ્યા વચનો

શું થયું તારા આપેલ વચન નું ?

શું એ કોલ તારા મિથ્યા માનું ?

તારી રાહ તાકતી આંખો થાકી,

શું કરીશ બહાનું ન આવવાનું ?

નૈન સાગરના જલ મારા સુકાઈ ગયા

શું લઈશ દામ શુષ્ક આંસુ લૂછવાનું ?

આશા મેં બાંધી અઢળક હરખથી,

તું ક્યારે છોડીશ અમને છેતરવાનું ?

તારા દીદાર કાજે ક્યાં સુધી તડપવાનું ?

શું પ્રેમને તારા હું તોતા રટણ જાણું ?

હારી ને હામ બધાં, હિબકે હૈયુ ઉલેચી મેં,

પળેપળ મરતા મરતા, ત્યજી દીધું જીવવાનું.