ઈશ્વરની ગતિ છે ખૂબ ન્યારી

ચાલતી નથી કોઈની હોશિયારી,

ઈશ્વરની ગતિ છે ખૂબ ન્યારી,

માનવી કેટલાય ઉધામા કરે જીવનમાં,

પણ ફાવતી નથી કોઈની કારી !

આજે હોય દુઃખી એ કાલે થાય સુખી,

વારા પછી આવે છે સૌની અહીં વારી,

સઘળું છોડી દે તું એના ઉપર,

એની કૃપા હોય છે સદા ન્યારી,

એ ચાહે તો બાગ ઉજ્જડ બને,

બંજર જમીન બને ફૂલવારી,

નરસિંહ મહેતાની એણે હૂંડી સ્વીકારી,

ભક્તોને ક્યાં પડવા દે છે તકલીફ જરી !

પાર કરવા આ સંસાર સાગર,

પવિત્ર દિલથી નામ લે તું એનું સ્મરી.