એક

ગુણો એકથી રકમ એની એજ રહે,

એક કરતાં બે ભલા, એક ઘા ને બે કટકા,

એકતાનું પ્રતીક, નાનામાં નાનો ઘન અંક,

એક કાનેથી સાંભળી બીજા કાનેથી કાઢી નાખવું,

એક દી મહેમાન, બીજે દી મહી,

ત્રીજે દી રહે અક્કલ જાય, એક સાંધે ત્યાં તેર તૂટે,

એક ઘાએ કૂવો ન ખોદાય, એક હાથે તાળી ન પડે,

એક નકટો સૌને નકટાં કરે, એક નન્નો સો દુ:ખ હણે,

એક નૂર આદમી હજાર નૂર કપડાં,

એક પગ દૂધમાં ને એક પગ દહીંમાં,

એક બાજુ કૂવો અને બીજી બાજુ હવાડો,

એક કાંકરે બે પક્ષી મારવાં, એકનો બે ન થાય,

ધણીની નજર એક, ચોરની નજર ચાર,

એક મરણિયો સોને ભારી પડે, વેંત એકની જીભ,

એક ભવમાં બે ભવ કર્યા, ડાકણેય એક ઘર તો છોડે,

એક મ્યાનમાં બે તલવાર ન રહે, સો જોષી ને એક ડોશી.