ધરા ખીલી ઊઠી

ઉનાળે ધરા બની છે ઉજ્જડ

મેઘરાજાની રાહમાં ઊભી છે સજ્જડ

વરસાદ આવે ને ધરા ખીલી રે ઊઠી !

ખેડૂત રાહમાં બેઠા ધોરીડા લઈ

વાવણી કરવા બીજ તૈયાર લઈ

વરસાદ આવે ને ધરા ખીલી રે ઊઠી !

મોરભાઈ ટહુક્યા મોસમ મજાની થઈ

સૂકી ધરાને પ્રાણ નવા આજે દઈ

વરસાદ આવે ને ધરા ખીલી રે ઊઠી !

લીલી હરિયાળી ધરા મહેકતી થઈ

આકાશે કાળી વાદલડી જોઈ

વરસાદ આવે ને ધરા ખીલી રે ઊઠી !

સૂરજદાદા જોને ઠંડક પકડી જઈ

શીતળ છાંયડી ને આભે ધરી દઈ

વરસાદ આવે ને ધરા ખીલી રે ઊઠી !

ધરાએ ઓઢ્યા છે લીલા લીલા રંગ

કાળી કાળી વાદલડીને સંગ

વરસાદ આવે ને ધરા ખીલી રે ઊઠી !