ડરામણું દ્રશ્ય

ઊગાડ્યાં નહીં મેં તો વૃક્ષો એક રે લોલ

કાપ્યા છે મોટા મોટા ઝાડ રે

ડરામણું દ્રશ્ય પ્રકૃતિતણું જોવા થઈએ તૈયાર રે સૌ !

નદી તણાં નીર નહી જતા રે લોલ

બચાવ્યાં નહીં મેઘ જળ રે

ડરામણું દ્રશ્ય પ્રકૃતિતણું જોવા થઈએ તૈયાર રે સૌ !

પર્યાવરણ થકી સજીવસૃષ્ટિ રે લોલ

એના કીધાં નહીં મેં તો મોલ રે

ડરામણું દ્રશ્ય પ્રકૃતિતણું જોવા થઈએ તૈયાર રે સૌ !

ધરા થકી મળ્યા અન્ન, રહેઠાણ રે લોલ

એના છેદન કર્યા અપાર રે

ડરામણું દ્રશ્ય પ્રકૃતિતણું જોવા થઈએ તૈયાર રે સૌ !

ભૌતિક સુખ પાછળ બહું દોડ્યા રે લોલ

કુદરતી સંપત્તિ અમે વેડફી રે

ડરામણું દ્રશ્ય પ્રકૃતિતણું જોવા થઈએ તૈયાર રે સૌ !