ચિરહરણ
ચિરહરણ
હા,,,,હું એક સ્ત્રી છું,
છે મારામાં કંઈક એવું જેથી હું મજબૂર છું,
આ સમાજ ને આ પુરુષો સામે લાચાર છું,
બનાવ્યા બધા બંધન ને શણગાર સ્ત્રી માટે,
આ રિવાજ ને આ પરંપરાઓથી નારાજ છું,
કેટલું માફ કરીશ અને એનું કેટલું જતું કરીશ ?
કોણે આપ્યા પુરુષને બધા હક ? હું મુંઝાઉં છું,
કરે દુષ્કાર્ય નર અને નરક કેમ ભોગવે નારી ?
હું પણ કરું એવું કાર્ય કે એને પણ પડે ભારી,
દ્રૌપદીનું ચિરહરણ થયું' કે થાય આજે ફર્ક શું ?
લોકો ત્યારે પણ બેબસ હતા, હું આજે પણ છું,
પણ હવે સમય નથી કે આવશે મોહન મોરારી,
મૂકું વાંસળી ઊઠાવું ચક્ર, હાર આપું એને કરારી.