Library
Profile
ચાની મહેફિલ
ચાની મહેફિલ
ચાની કહાની કેટલી પ્યારી છે,
આહા ! ખુશ્બુ એની રુહાની છે,
અવર્ણનીય આ લહેજત ચાની છે !
અધરો સંગ એની ભેંટ સુહાની છે,
હાય ઇશ્કે-દરિયા મોજે રવાની છે,
અવર્ણનીય આ લહેજત ચા ની છે !
તાજગીની કુંપી એની પ્યાલી છે,
ગરમાતિ શ્વાસમાં ઉફાણ પૈમાની છે,
અવર્ણનીય આ લહેજત ચાની છે !
રંગ ગેરુઆ મદમસ્ત જવાની છે,
માટીની કુલ્લડમાં નૃત્ય કરંતી નારી છે,
અવર્ણનીય આ લહેજત ચા ની છે !
અલ્લડ દોસ્તોની મીઠી સંગિની છે,
અલગારી દાસ્તાનોની ગવાહી છે,
અવર્ણનીય આ લહેજત ચાની છે !
ખીલતી સવારે નવી રાગિણી છે,
બોજીલ સાંજે હુંફાળી સહેલી છે,
અવર્ણનીય આ લહેજત ચાની છે !
કવિઓની કલમની રેલાતી સ્યાહી છે,
યોગીઓની પરમાનંદ રસ સુરાહી છે,
અવર્ણનીય આ લહેજત ચાની છે !
એક એક ચૂસકી પર દુનિયા દિવાની છે,
તન-મન નશીલી સુરાવલી સૂફીયાની છે,
અવર્ણનીય આ લહેજત ચાની છે !
શું કહું ! તલબ એની અજબ મસ્તાની છે,
'દીપાવલી'ને ચા સંગ યારી પુરાની છે,
અવર્ણનીય આ લહેજત ચા ની છે !
