બનું પુણ્યવંત

મર્યાં પછીએ રહેવું હોય જીવંત

કરીએ અંગદાન પુણ્ય છે અનંત

અન્ન ધનનાં દાન આપવા સહજ

અંગદાનથી પણ બનું પુણ્યવંત,

ન હયાત છતાંયે ધબકે અણનમ

શ્વાસોની સિતારે બાજે સરગમ

હૃદયનું દાન કરી બનું પુણ્યવંત,

મીંચી આંખો જાગે જો આતમ

મરીને ય નિહાળે સૃષ્ટિ એ રતન

આંખોનું દાન કરી બનું પુણ્યવંત,

મૃત્યુ સુધરે જતી વેળા થાય મન

મહત્મ્ય દાનનું જાણી કરું હવન

કિડનીનું દાન કરી બનું પુણ્યવંત,

ભલે બિમાર ઘરડું કે ઘસાયેલું તન

બને ઉપયોગી શીખવા થવા સર્જન

દેહનું દાન કરી હું બનું પુણ્યવંત.