ભાઈ - બહેનનો પ્રેમ
ભાઈ - બહેનનો પ્રેમ
નાનપણમાં સાથે જમીએ
એકબીજા ના વાળ ખેંચીએ;
રમકડાં માટે ઝગડીએ
એવો ભાઈ-બહેનનો પ્રેમ.
નિશાળમાં હોઈએ ત્યારે
ટીવી રિમોટ માટે ઝગડીયે
એકબીજા ને ચીડવીએ
મમ્મી ને જઈને ફરિયાફ કરીયે
એવો ભાઈ-બહેનનો પ્રેમ.
કોલેજમાં આવીએ ત્યારે
એકબીજા ની ઉતારી પાડીએ
એકબીજા ને ભણવામાં મદદ કરીયે
એકબીજાની છાની વાતો ઉઘાડી પાડવાની ધમકી આપીએ
એવો ભાઈ-બહેનનો પ્રેમ.
લગ્ન પછી બેઉ નાનપણના દિવસો ને યાદ કરીએ
જુના દિવસો યાદ કરી ને હસીએ
અને એકબીજાને મળવાની રાહ જોઈએ
એવો ભાઈ-બહેનનો પ્રેમ.
રક્ષાબંધનના દિવસે બહેન ભાઈને રાખડી બાંધે
ભાઈ માટે રક્ષા માંગે
ને ભાઈ બહેન ને કાંઈ ગિફ્ટ જ ના આપે
એવો ભાઈ-બહેનનો પ્રેમ
ભાઈ બહેન માટે જીવ પણ આપે
એની ઢાલ બનીને ઊભો રહે
અને ક્યારેક ખીજાઈ પણ લે
એવો સુંદર મજાનો ભાઈ-બહેનનો પ્રેમ.