બાળમજૂરી

જ્યાં બાળકો પ્રભુનો પ્રસાદ ગણાય છે

એવા મહાન દેશમાં બાળમજૂરી કરાવાય છે

નિ:સંતાન દંપતીઓ બાળકોને જોઈને હરખાય છે

તો કુમળા બાળ મજૂરીના નામે મુરઝાય છે

મફત - ફરજિયાત શિક્ષણનો કાયદો ઘડાય છે

તો એના અમલવારીની ક્યાં દરકાર રખાય છે !

ભણતાં બાળકોના દફતરનું ભારણ ઘટાડાય છે

પણ બાળમજૂરીને ક્યાં ઘટાડી શકાય છે !

રમવા, ફરવા અને ભણવાની ઉંમર મનાય છે

કેમ રમકડાં કે પાટી - પેનના બદલે મજૂરીનો ભાર સોંપાય છે ?

કઠિન મજૂરીએ હાથની રેખાઓ ભૂંસાય છે

તો પણ બાળમજૂરીની છાપ ક્યાં કોઈને દેખાય છે ?