અસલી ચહેરો

ચહેરા પર મનગમતા આવરણ ચઢાવી બેઠા છે;

પડદા પાછળ એ જ જિંદગી સજાવી બેઠા છે,

રાજરમતના ખેલાડી સમીકરણ ગોઠવી બેઠા છે;

હાર - જીતનો એ જ ફેંસલો સુનાવી બેઠા છે,

જાહેરમાં પોતાના સન્માનનું શાણપણ દેખાડી બેઠા છે;

પીઠ પાછળ એ જ લડાઈમાં પછાડી બેઠા છે,

સાદગીના ચહેરા પર ભોળપણ બતાવી બેઠા છે;

રાતના અંધારામાં એ જ ફાયદો ઉઠાવી બેઠા છે,

માયાના આવરણ ઉપર આવરણ લગાડી બેઠા છે;

અસલી ચહેરાની એ જ ઓળખ ગુમાવી બેઠા છે.