આ વડલાની વડવાઈ

ક્યારે આવીશ તું અહીં ને ઝૂલીસ મારી સંગ

સ્મિત હશે તારા વદન પર અને હૈયામાં મારા ઉમંગ

આ વડલાની વડવાઈ મને સાદ કરે છે

મારો સૂર્યોદય તો થાય જ્યારે થાય તારી કીકીયારી

મને જોવી ગમે તારી નીતરતી નજર એ પ્યારી

વડલાની વડવાઈ મને સાદ કરે છે

નથી રહયા એ પાન આજે, ને નથી રહ્યો એ સહવાસ

તારા બચપણ આગળ તો આ મોટપ આખી બકવાસ

આ વડલાની વડવાઈ મને સાદ કરે છે

તું આવ અહીં ને થોડું અમથું સ્મિત વેરી જા

આ લાગેલી આગમાં થોડું જળ તો છાંટી જા

આ વડલાની વડવાઈ મને સાદ કરે છે

નથી રહયાં એ અંગ ને નથી રહયો એ ઉમંગ

મારેતો એક ક્ષણ વિતાવી છે તારી સંગ

આ વડલાની વડવાઈ મને સાદ કરે છે