એક લાશની ખાતીર

એક લાશને ઢાંકવા ઉભરાતી હતી ભીડ બજારમાં

ને કેટલાંય ખુલ્લા શરીર ટાઢમાં થર થર કંપતા હતા...

કાંધ દેવા કોઈને હોડ જામતી હતી એ લાશની કને

ને આંધળા રાહની વચાળે કોઈની રાહ જોતા હતા...

લાકડાઓની લ્હાણી કોઈને કીધા વગર વહેંચાતી'તી

ને કંઈક ચૂલા આગ વગર ઠંડાગાર થઈ ગયા હતા....

કીધા વગર કોઈને ઠાઠડી ફૂલોથી સજાવી દેવાતી'તી

કંઈક કાંટા પથારીઓમાં એમ જ ખુપાઈ ગયા હતા...

જીવતાને પડે જીવાત ને મરેલાને અત્તરના ફુવારા

ઘણીયે જીવતી લાશમાં જીવ ખોવાઈ ગયા હતા...