Independence Day Book Fair - 75% flat discount all physical books and all E-books for free! Use coupon code "FREE75". Click here
Independence Day Book Fair - 75% flat discount all physical books and all E-books for free! Use coupon code "FREE75". Click here

Urmila Savsani

Inspirational Thriller


2.0  

Urmila Savsani

Inspirational Thriller


પાળિયે માંડી કથાયું રે....

પાળિયે માંડી કથાયું રે....

1 min 19.8K 1 min 19.8K

પાળિયે માંડી કથાયું રે...

કે એને દેવ હોંકારો દેતાં...


ખપી ગયા જેનાં ધડ ધીંગાણે એનાં, માથડાં ઘાને લેતાં;

કાળમીંઢ પા'ણો કાંઠે પો'ગે એવાં,

રગત રેલા વે'તા... રે...

પાળિયે માંડી કથાયું રે


મોળબંધાનાં પોખણા થાતાં,વારણા વરનાં લેતાં;

'મારો,'કાપો'ની આરદા આવે, એનાં પગ કહ્યામાં ના રે'તાં... રે....

પાળિયે માંડી કથાયું રે...


સત્‌ને કાજે શૂળી ચડે પણ, ખોટો મારગ નવ લેતાં;

ટેક,વચનને શૌર્ય સાટે,વ્હાલા બેટા વેરીને દઈ દેતાં... રે...

પાળિયે માંડી કથાયું રે...


કાળજા કેરો કટકો સોંપી, રા'ને રાખીને વાત કે'તાં;

ઉગો 'આથમિયોને નવઘણ' ઊગીયો, કાળજે કરવત દેતાં.. .રે...

પાળિયે માંડી કથાયું રે...


ભાલા માથે જયાં બેહે ભાંડોદરી, 'જાહલ,' 'જાહલ' કે'તાં;

મોતનાં ડંકા સુમરા માથે એને સત્ સમજાયું રે'તાં, રે'તાં... રે...

પાળિયે માંડી કથાયું રે...


પા'ણા કેરા પોઠીયા તે'દિ મોંઢે તરણા લેતાં;

કચ્છ ધરાને કણ-કણ બેઠી, જાગતી તોરલ ચેતાં... રે...

પાળિયે માંડી કથાયું રે...


શૌર્ય તણી આ ભોમકા મારી એનો, પાર નો આવે કે'તાં;

માથડા ખાંડીને પીરહે પરભૂને, આંખે આહુંડા ના વે'તાં... રે...

પાળિયે માંડી કથાયું રે...


ગીતા સુણે એ ઉદર માંહે, શૌર્ય શૂરા રસ લેતાં;

બુંગિયો વાગે જયાં ધીંગાણાનો, માની છાતીએ દૂધડા વે'તાં... રે...

પાળિયે માંડી કથાયું રે...


કૂલડી રાંધે જમે કટક અહિં, 'ખમ્મા' કે'તાં કે'તાં;

જોગમાયા જયાં કરે હાકોંટો, દરિયા મારગ દેતાં... રે...

પાળિયે માંડી કથાયું રે...


ખાંભીયું ભીતર ખમીર ઝરણાં, કાયમ વહેતા રે'તાં;

રણબંકા ઈ રાતડા નીરને, ગંગા-જમના કે'તાં... રે...

પાળિયે માંડી કથાયું રે...


'મોરાર', 'જીવણ', 'ખીમ', 'હોથી', તે દિ' પરગટ પરચા દેતાં;

શૌર્ય, શૂરાતન ભાણ સમું એની, વાતું ય વાયરા કે'તાં... રે...

પાળિયે માંડી કથાયું રે...


દેવતા થાક્યા આ ધરણી પર, સતના પારખાં લેતાં;

શૌર્ય અમલ આ'યાં સંતો પીરહે;

કાયરુ ભાગતાં છેટા... રે...

પાળિયે માંડી કથાયું રે....

કે એને,દેવ હોંકારો દેતાં...

કે એને દેવ હોંકારો દેતાં...


Rate this content
Log in

More gujarati poem from Urmila Savsani

Similar gujarati poem from Inspirational