જ્ઞાનનું ગીત
જ્ઞાનનું ગીત
મુજ રાહનાં કંટકો સઘળા હટાવ્યા તમે,
પુષ્પ ખીલવ્યા મુજ જીવનનાં બાગમાં તમે,
હે ગુરુવર્ય ! કરું હું કોટિ કોટિ પ્રણામ,
અવિરત જ્ઞાનધારા વહાવી જીવનમાં તમે,
ગાયું જ્ઞાન કેરું ગીત કર્યું ધન્ય જીવન તમે,
હે ગુરુવર્ય ! કરું હું કોટિ કોટિ પ્રણામ,
આપનાં ચરણસ્પર્શ માત્રથી પામર બને પુનિત,
અબુધને બુદ્ધ કરનાર છો જ્યોતિ પુંજ તમે,
હે ગુરુવર્ય ! કરું હું કોટિ કોટિ પ્રણામ,
આપ્યું શિક્ષણ અને સેવા ભાવ ખીલવ્યો તમે,
અડીખમ ઊભો રહેવા લાયક બનાવ્યો તમે,
હે ગુરુવર્ય ! કરું હું કોટિ કોટિ પ્રણામ.