ભીડ
ભીડ
1 min
379
બજારની ઉભરાતી ભીડમાં સ્પર્શીને કોઈ નીકળી ગયું
જાણે ધબકારાની બે ક્ષણો વચ્ચેથી કોઈ નીકળી ગયું
થંભી ગયાં પગલાંને આ વિહવળ હૃદય બેબાકળુ થયું
વર્ષોથી ભૂલયેલું એ જ ઉપવન અહી ફરીથી ઉભુ થયું
પાંપણ પર લહેરાતી લટ એની ને કીકીઓ કામણગારી
એના સ્મિતમાં રેલાતું ઝરણું આ ભીડ વચ્ચેથી વહી ગયું
રંગબેરંગી આ ભીડની વચ્ચે મને એક જ રંગ દેખાતો'તો
કોરી ધાક્કોર આ દુનિયા મારી કોઈ પીંછીથી રંગી ગયું
ક્ષણો વહી રહી હતી ને આ ભીડને પણ વિખરાવું હતું
અજવાળું જે થયું ઓચિંતું ત્યાં ફરી અંધારું થઈ ગયું !