અવિ

અવિનાશ તું અવિ રાહ જોઉં હું કાલ ની 

કર્ણ-દ્વારે મીઠાં ટહૂકે ટહૂકે ખિલે ફૂલ ;

બાળહાસ્ય ભરે હૈયું ખિલખિલાટ ઝૂલ...

મન-દ્વારે મધુર અવાજ કરે રૂડું ગુંજન;

જીવનરસ મનભરી માણે સ્નેહ ખૂબ...

હ્રદય-દ્વારે સ્પર્શી રૂડો રવ કરે સ્પંદિત ;

કૂણી કૂણી લાગણીઓનાં કરવા શા મૂલ ?

દિલ-દ્વારે મીઠી મઝાની સંવેદનાઓ ઝરે;

મૌનની મધુર મુલાયમતા તો થાય ડૂલ...

સ્નેહ-દ્વારે માણેલી સંવેદી પળો પાંગરે ;

સંભળાય દશે દિશાથી વેદગાન અતિમૂલ;

અંતર-દ્વારે પૂર્ણ પ્રેમ છલકે, મન મલકે ;

મેધધનુષી રંગો ઝરમર ઝરવા વ્યાકુલ...

રાહ જોઉં હું કાલની રાહ જોંઉ હું કાલની !