અગ્નિમાં હોમ

હા,

હું તારામાં વસી જવાં માંગું છું,

સ્પર્શ કર્યા વગર જ તને મહેસૂસ કરવાં ચાહું છું,

મારી કવિતામાં તને ઘોળીને પી જવાં તરસું છું,

તું વાંચે મારી કવિતા,

એ શબ્દો થકી તને ચૂમી લેવા ચાહું છું,

તું જોવે મારી આંખોમાં,

ને એજ નજરથી હું મારા આંખનું આંજણ ચાહું છું,

તારી બાથમાં જ હું મારો શીતળ વિસામો પાથરું છું,

ઠીક તારાં હૃદયનાં ધબકારા પાસે જ હું મારું સંગીત સાંભળું છું,

જાણું છું તારી ભીતર આગ છે,

હું દાઝી જઈશ એમ કરી દૂર‌ ના કરીશ મને,

કારણ કે,

તારી અંદર સળગી રહેલી એ જ અગ્નિમાં હું પોતને હોમી દેવા ચાહું છું.