Library
આવતે જન્મે
આવતે જન્મે
1 min
7.0K
બા, આવતે જન્મે હું ચોપડી થાઉં તો કેવું ?
બા, મને સૌ ઊંચકી - ઊંચકીને ફરે એ ગમે હોં !
બા, મને વહાલથી સાચવીને ભણે એ ગમે હોં !
બા, આવતે જન્મે હું ચોપડી થાઉં તો કેવું ?
બા, સૌને જાત-જાતની વાર્તાઓ હું વંચાવું હોં !
બા, સૌને નિત નવાં ચિત્રો હું બતાવું હોં !
બા, આવતે જન્મે હું ચોપડી થાઉં તો કેવું ?
બા, પેલી તારલાની તારી વાત યાદ છે ને ?
બા, તેની હોડી બનાવીને પેલે પાર જાઉં હોં !
બા, આવતે જન્મે હું ચોપડી થાઉં તો કેવું ?
બા, તું ક્યારેક જો રિસાઈને દૂર ચાલી જાય તો,
બા, પાને-પાને હું તારું નામ રટતો, પાછી બોલવું હોં !
બા, આવતે જન્મે હું ચોપડી થાઉં તો કેવું ?
