బ్రతకాలని ఉంది..

కళ్ళు మూసి తెరిచేలోపే

ఆవహించిన గ్రహణం

తలకిందులైన జీవితం

అలజడి లేదు హృదయానికి

స్పర్శ లేదు దేహానికి

ఛిద్రమైన నా ముఖాన్ని చూసి

ఈ లోకం అడుగు వెనక్కి వేసింది

నన్ను కన్న ప్రేగు విచ్ఛిన్నమైంది

అయినా బ్రతకాలని ఉంది

నా రుపాన్ని నా నుండి లాగేస్తూ

నా ప్రపంచంలో నా ఉనికిని చెరిపేస్తు

ఆశలని కాల్చేస్తూ చీకటినే మిగిల్చినా

బ్రతకాలని ఉంది

భవిష్యత్తుపై వేసిన మచ్చలు

నా ఈ వికృత రుపాన్ని చూసి

సడలనివ్వను ఆత్మస్థైర్యాన్ని

అదరివ్వను ఈ గుండె ధైర్యాన్ని

అద్దంలో వణుకుతున్న ప్రతిబింబం

నా ఆలోచన వేగం పెంచుతూ

కడలిలో అలలై ఎగసిపడుతున్నాయి

న్యాయాన్ని కొనలేనని తెలిసి

పోరాటం చేయమని

నాకై నన్ను నాలోని నాకోసం

ముందడగు వేయమని

జీవితం చూపిన దారిలో వెళ్ళమని

Women's Diary...