ଯାଯାବର
ଯାଯାବର
ଯାଯାବର
♻
ତୁମେସବୁ ଭାବୁଥାଅ -
ଆମ ଏଇ ଗଣ୍ଠିଲିରେ ,
ଲୁଚିଥିବ କଟାମୁଣ୍ଡ ଅବା ,
କିଛିଗୋଟେ ଚୋରା ସମ୍ପତ୍ତିର ରହସ୍ୟ !
ସେଥିଲାଗି ତ -
ହଜାରେ ପ୍ରଶ୍ନ ,
ଇତରର ଭାବ ,
ନିନ୍ଦା ଅପବାଦ !
ଏଇ ଦେଖ ! ଖୋଲି ଦେଖଉଛି -
କିରାସିନି ଭରା ଷ୍ଟୋଭ୍ , ରସଡେକଚି ,
ଆଉ ଦି'ମୁଠା ଚାଉଳ ।
ମଦୁଆର ଅଧାପିଆ ହ୍ୱିସ୍କି ବୋତଲ ।
ଫିମ୍ପିମରା ପାଁଉରୁଟିର ପୁଳାଏ ବିକଳ ।
ଛିଣ୍ଡାଲୁଗା ଦିଖଣ୍ଡ , ଘୋଡିବାକୁ କଙ୍କାଳ ।
ରାତିଡର ପାଇଁ ଗୋଟିଏ କମ୍ବଳ ।
ମୁନ୍ନିପାଇଁ ମାଗିଅଣା ଜାମା ଦି'ହଳ ।
ଆଉଅଛି ଗଣ୍ଠିଲିଏ ଭାଗ୍ୟ ସୌଭାଗ୍ୟ !!!!
@ ଅମିୟ
✨