ଈଶ୍ୱର
ଈଶ୍ୱର
1 min
367
ଅନ୍ଧାରୁଆ ଆମ ଗଳି ରାସ୍ତାଧାରେ
ଛନକା ପଶିଲା ଆଜି ଛାତି ଭିତରେ ।
ଏଈଠିକେଉଁଠି ତ ଥିଲେ କାଲିଯାଏଁ ,
ଆସ୍ଥାନ ଜମେଇ , ବଡ ସରାଗରେ
ଜଣେ ଈଶ୍ୱର !
କେତେ ଭିଡଭାଡ଼ କେତେ କୋଳାହଳ
କେତେ ଭୋଗରାଗ କେତେ ଫୁଲମାଳ
କେତେ ଧସ୍ତାଧସ୍ତି କେତେ ଆତ୍ମାଶାନ୍ତି ।
ହେଈ ! ଦେଖତ
ରାତିଟା' ଭିତରେ , ନାହାଁନ୍ତି ଆଉସେ' ଅଧୀଶ୍ୱର !
ଆଜି ପୁଣି , ଆମ ସେ' ଅଂଧାରୁଆ ଗଳି ରାସ୍ତାରେ
ଭୁସ୍ କି' ବାହାରେ ଜଣେ ଈଶ୍ୱର ।
ବୁବୁକ୍ଷୁ , ଜରାଜୀର୍ଣ୍ଣ , ନିରାଶ୍ରୟ , କୁତ୍ସିତ !
ସାହାସୀ ଛାତିରେ ପଚାରିଲି ମୁଁ
ହେଃ !
ଦେହ ଯା'ର ଏଡେ କଙ୍କାଳସାର ,
ସେ'ଯେ ପୁଣି ଗୋଟେ କି' ଈଶ୍ୱର ?
ହସେ ଈଶ୍ୱର
ଖେଁ ଖେଁ ଖେଁ
କହିଲୁ ଦେଖି ?
ମୃଣ୍ମୟ କେ' ଗଢେ କାହାର ?
ଈଶ୍ୱର ମଣିଷର
ନା
ମଣିଷ ଈଶ୍ବରଙ୍କର ?