ବିଲେଇ ଚାହିଁଛି

କୁଟୁ କୁଟୁ କୁଟୁ ମୂଷା କାଟୁଛନ୍ତି

ବିଲେଇ ଚାହିଁଛି ଦୂରୁ

ମନେମନେ କହେ ଜଳଖିଆ କିଛି

ମିଳନ୍ତାକି ମହାପୁରୁ !

ସମ୍ଭାଳି ନପାରି ମନର ଲୋଭକୁ

ଡାକିଲା କଅଁଳ କରି

ଆ' ରେ ପୁତୁରା ଗପ ଶୁଣେଇବି

କୋଳରେ ତତେ ମୁଁ ଧରି ।

ମାଆ ସିନା ନୁହେଁ ମାଉସୀ ତୋହର

ଭାବୁଛୁକି ମତେ ପର

ଗାତରୁ ବାହାରି ଆସିଲେ ପାଖକୁ

ଦେଖିବୁ ବୁଲି ମୋ ଘର ।

କୋଳରେ ବସେଇ ଖୁଆଇ ଦେବି ମୁଁ

ଦୁଧଭାତ , ମାଛ ଭଜା

ତେବେ ସିନା ତୁହି ଜାଣିବୁ ମାଉସୀ-

ଘରର ଖାଇବା ମଜା !

ମୂଷା କହେ , " ନାଇଁ ନାଇଁଲୋ ମାଉସୀ

ଅକାଳେ ସକାଳେ ଡାକୁ

ମନକଥା ଜାଣେ , ଭାବୁଛୁକି ମତେ

ଜଳଖିଆ କରିବାକୁ ?

ଚାଲାକି ତୋ ପାଖେ ଥାଉ

ଦରକାର ନାହିଁ ତୋ ଘର ବୁଲିବା

ଡାକୁଥା' କାହାକୁ ଆଉ" ।

କୁଆଁସ , ମେରଦା କାଟିଆ , ଯାଜପୁର

ଆଳାପ :- ୮୯୮୧୭୩୭୨୨୮