ହେ ଦରମା

   ସଭିଏଁ ବଢ଼ନ୍ତି ଆଗକୁ ଆଗକୁ

    ଦରମା କାହିଁ ଯେ ବଢ଼ୁନ

  ବସି ବସି ତୁମର କି ଚେର ଲାଗିଲାନି

    ଆମ ଦୁଃଖ ଟିକେ ବୁଝୁନ ll

   ଆଳୁ ତେଲ ବଢ଼େ ପିଆଜ ବଢୁଛି

     ପେଟ୍ରୋଲ ବଢ଼େ ନିତି ଦିନ 

   ତମେ କିନ୍ତୁ ମାଦଳ ପରି ବସିଛ

      ବଢିବାର ନା ଧରୁନ ll

  ଆକାଉଣ୍ଟ ରେ ପଶିବା ଜଣା ନ ପଡଇ

     ଧୂମକେତୁ ପରି ଆସି ଯାଅ

   କିଛି କ୍ଷଣ ଆମକୁ ଖୁସି ଦେଇ ଯାଇ

    ତମ ରାସ୍ତାରେ ପୁଣି ଚାଲିଯାଅ ll

   ଘରଭଡା ଆଉ ଇଲେକ୍ଟ୍ରି ବିଲ

    ତମକୁ ଚାହିଁ ରହିଥାନ୍ତି

  ଇଏମଆଇ ସ୍କୁଲ ଫି ମାସିକ ଗ୍ରସରୀ

    ତାମବିନା ଅସମ୍ପୂର୍ଣ୍ଣ ଥାନ୍ତି ll

   ଚପଳ ମୋର ଘୁରି ଗଲାଣି

   ପ୍ୟାଣ୍ଟ ସାର୍ଟ ସବୁ ଚିରା 

  ତମେ ଆସି ଆକାଉଣ୍ଟ ରେ ରହିଲେ

    ଆଣିବି ଭାବୁଛି ପରା ll

  ତମ ପଛେ ପଡି ଚନ୍ଦା ହେଇଗଲୁ 

     ବାଳ ହେଇଗଲା ନୁଖୁରା

  ଯବାନ ବୟସ ଟା ଖଟି ଖଟି ଗଲା

    ଜୀବନ ଟା ପଚା ସାନ୍ତରା ll

 ତଥାପି ଦରମା ଆଶାବାଦୀ ଆମେ

    କେବେ ଯେ ବଢିବ ତମେ

 ବଢିଗଲେ ଥରେ ଦିଲ ବୋଲେ ବୋଲେ

   ଖୁସି ହେଇଯିବୁ ଆମେ ll