ବିଶ୍ଵ ଦେଖ ଶୋଭାମୟରେ ଜୀବନ
ବିଶ୍ଵ ଦେଖ ଶୋଭାମୟରେ ଜୀବନ
ବିଶ୍ଵ ଦେଖ ଶୋଭାମୟରେ ଜୀବନ
ବିଶ୍ଵଦେଖ ଶୋଭାମୟ
ରଙ୍ଗ ତୁଳୀ ଧରି ପ୍ରକୃତି ମାଆ
ଉଭା ହେଇ ଚିତ୍ରିତା
ସତେକି ବିଚିତ୍ରତା
ଶୋଭାମୟ ବିଶ୍ୱ ମଧୁମୟ ଲାଗେ
ଗାଉଛି ସେ ଆଜି କବିତା
ଗାଉଛି ସେ ଆଜି କବିତା ll
ସଜେଇ ସଜେଇ ମୁଖକୁ ନିରେଖି
ନୀଳମ୍ଭୁ ଗଗନେ ରୂପକୁ ଦେଖି
ମେଘ ବିଚିମାଳା ସାଙ୍ଗରେ ସଖୀ
ଫଗୁଣର ଫଗୁ ଦେହରେ ମାଖି
କାଳିମା ବାଦଲ କଜଳ ଲାଖି
ଗଭାରେ ଖେଳଇ ସୁରୁଜମୁଖୀ
ଆହାକି ସୁନ୍ଦର ମନଲୋଭା ବେଶ
ମନ ହୋଇଯାଏ ଯୋଖୀ ll
ସକାଳୁ ସୁରୁଜ ମୁରୁଜ ବୁଣେ
ସୋରିଷ କ୍ଷେତରେ ମୁକୁତା ଖେଳେ
ସଜ ଗୋଲାପଟି ପବନେ ଢ଼ଳେ
ମୃଦୁ ପବନରେ ମନଟି ଖେଳେ
ନଈର ତରଙ୍ଗେ ଲହରୀ ମେଳେ
ଆହାକି ସୁନ୍ଦର ଏ ବେଶ
ପ୍ରକୃତି ମାଆର ହସ
ଏ ମଧୁମୟ ଶୋଭା ଦେଖରେ ଜୀବନ
ମଧୁମୟ ଶୋଭା ଦେଖ ll
ପ୍ରକୃତି ରଚନା କେଢେ ବିଚିତ୍ର
ସବୁଜ ରଙ୍ଗରେ ସେ ସୁସଜ୍ଜିତ
ତା ମଧୁମୟ ବେଶ କେଢେ ଅଦ୍ଭୁତ
ପବନ ଝଙ୍କାର ମୃଦୁ ସଂଗୀତ
ଶୋଭାମୟ ବିଶ୍ଵ କେଢେ ଅମୃତ
ସତେ ପ୍ରକୃତିର ଏ ରୂପ ସୌନ୍ଦର୍ଯ୍ୟ
ରଙ୍ଗୀନ ରଙ୍ଗୀନ ଅପୂର୍ବ ମାଧୁର୍ଯ୍ୟ
ବିଶ୍ଵ ଦେଖ ଶୋଭାମୟରେ ଜୀବନ
ବିଶ୍ୱ ଦେଖ ମଧୁମୟ ll
ଟିପି ଟିପି ପଡେ ବରଷା ପାଣି
ନାଚି ନାଚି ଯାଏ ବରଷା ରାଣୀ
କିରଣ ଝଲସେ ସେ ପାଣିରେ
ମୁକ୍ତା ସମ ଲାଗେ ଏ ବିଶ୍ୱରେ
ଆଖି ଝଲସେ ମନ ତରଷେ
ଖୁସିରେ ଖୁସିରେ ଗାଉଛି ମନ
ବିଶ୍ଵ ଦେଖ ଶୋଭାମୟରେ ଜୀବନ
ବିଶ୍ଵ ଦେଖ ଶୋଭାମୟରେ ଜୀବନ ll