ମୋ ପ୍ରକୃତି ରାଣୀ
ମୋ ପ୍ରକୃତି ରାଣୀ
ପ୍ରକୃତି ରାଣୀ ମୋ ଭାରି ସୁନ୍ଦରୀ
ପାଦ ତଳେ ବୋହେ ନଈ
ହିମାଳୟ ତାର ମୁକୁଟ ଭଳିଆ
ତୁଳନା ଯେ ତାର ନାହିଁ ll
ଶୁଭ୍ର ଫେନୀଳ କାନ୍ତି ସବୁଜିମା ମାଆ
ଅପୂର୍ବ ଲାବଣ୍ୟ ସୁନ୍ଦର
ଝରଣା ବୋହେ କଳ କଳ ନାଦେ
ମୃଦୁ ବୀଣାର ଝଙ୍କାର ll
କୋକିଳ କାକଳୀ ମହୁରୀ ବଜାଇ
ପଶୁ ରଡି ବଜେ ବାଜା
ସୁଲୁ ସୁଲୁ ବାଆ କାନେ କହିଯାଏ
ଜୀବନର ନିଅ ମଜା ll
ଶୀତୁଆ ସୂରୁଜ ମୁରୁଜ ବୁଣଇ
ବିଲ ବାଡ଼ି ସର ସର
ଝିପି ଝିପି ବର୍ଷା ଗୀତ ଗାଉଅଛି
ଆହା କି ମନୋହର ll
ରୌଦ୍ର ରାଣୀର ଉଷୁମ ପବନେ
ଖଡ ଖଡ ଶୁଖା ପତ୍ତ
ମଧ୍ୟାହ୍ନ ନୀରବେ ଆମ୍ବ ତୋଟା ମୂଳେ
ଗାଇଚାଲେ କେତେ ସଂଗୀତ ll
ପ୍ରକୃତି ରାଣୀ ମୋ ବସନ୍ତ ସାଜି
ଯେବେ ଆଗମନ କରେ
ମୃଦୁ ମଳୟର ରଙ୍ଗବେରଙ୍ଗର
ହରଷ ଉଲ୍ଲାସ ଭରେ ll
ଜୋଛନା ରାତିରେ ଚନ୍ଦ୍ରମା ସାଥେ
ପ୍ରକୃତି ରାଣୀ ମୋ ଖେଳେ
ଶୁଭ୍ର ଚାନ୍ଦ ପରି ନୀଳମ୍ବୁ ଆକାଶେ
ଦିଶେ ଝଲମଲ କେଢେ ll
ମୋ ପ୍ରକୃତି ରାଣୀ ଭାରି ସରଳ
ସଭିଙ୍କୁ ସମାନ ଭାବଇ
ତା ବକ୍ଷ ଚିରି କାହିଁ କେତେ ଜୀବକୁ
ଅମୃତ ପାନ କରଇ ll
ମାଟି ବାୟୁ ଜଳ ଅଗ୍ନି ବା ଜଙ୍ଗଲ
ପ୍ରକୃତି ରାଣୀର ଅବଦାନ
ଏ ବିଶ୍ଵପୃଷ୍ଠରେ ଯେ ଯାହା ଦେଖୁଛ
ସବୁ ଅଟେ ତାର ଦାନ ll