ଅଂଶୁଘାତ

ଓଃ ବାହାରେ କି ଖରା ହେଉଛି

ତାତିରେ ମୁଣ୍ଡ କଣ ହେଇଯାଉଛି

ପୁଅ କୁ କହୁଛି କ୍ଷେତ ଯାଆନି ଯାଆନି

ହେଲେ ସିଏ କି ଶୁଣୁଛି,

ମା ଲୋ ପଖାଳ ଗଣ୍ଡେ ବାନ୍ଧି ଦେ

ମୁଁ ବିଲକୁ ବାହାରି ଯାଉଛି,

ଅବୁଝା ପୁଅ ମୋର

ଖରା ହେଉ କି ବର୍ଷା

କ୍ଷେତରେ ଦିନ ରାତି ଖଟେ ସେ

ସୁନା ଫଳାଏ ସେ

ତା ପରିବାରକୁ ଆହାର ଯୋଗାଉଛି

ଆଉ ଦେଶ କୁ ବି,

ହେଲେ ତା ଖୁସି କଣ

ସାରାଦିନ ଜମିରେ ଖଟୁଛି

ଆଉ ମାଟି ସଙ୍ଗେ ମାଟି ହେଇଯାଉଛି l

ହଟାତ୍ ଦିନେ

ବୁଲା ବୋଉ ବୁଲା ବୋଉ

ବୁଲାର କଣ ହେଇଯାଇଛି

ବିଲରେ ସେ ମୂର୍ଚ୍ଚା ହେଇ ପଡିଯାଇଛି

ନା କିଛି କହୁଛି ନା କିଛି ଶୁଣୁଛି ,

ବୁଲା ବୋଉ ବିଲକୁ ଦୌଡ଼ି ଯାଇଛି

ବୁଲା ବୁଲା ମୋ ଧନ ଚିତ୍କାର କରିଛି

ସଙ୍ଗେ ସଙ୍ଗେ ବୁଲାକୁ ପାଖ ଡାକ୍ତରଖାନା ନିଆଯାଇଛି

କିନ୍ତୁ ବୁଲା ଆଉ ନଥିଲା

ଅଂଶୁଘାତ ତା ଜୀବନ ନେଇ ଯାଇଥିଲା,

ମାଆ ତାର ଛାତି ଫାଟି କାନ୍ଦୁଛି

ଖରା କୁ ଯାଆନା ଖରାକୁ ଯାଆନା

ବାରମ୍ବାର କହୁଥିଲି

ହେଲେ ସେ କଣ ଶୁଣିଲା

ଆମକୁ ଭସେଇ ଦେଇ ଚାଲିଗଲା,

କେତେ ଲୋକ ଆହା କହିଲେ

ବୁଲା ପରିବାରକୁ ଆଶ୍ୱାସନା ଦେଲେ

ସରକାର କିଛି ପଇସା ଦେଲା

ସାନ୍ତ୍ୱନା ଦେଲା

ହେଲେ ବୁଲା ଘରର ଦୁଃଖ

ସେମିତିକୁ ସେମିତି

ଚିର କାଳ ରହିଗଲା l