ଖୋଲୁଛି ଆଜି ଏ ଗୁମର

ପଚାଶ ବରଷେ ହରିହର ବାବୁ

ଅଚାନକ ହେଲେ ବେମାର

ଶେଷବେଳ ଜାଣି ପାଖକୁ ଡାକିଲେ

ଅଲିଅଳ ବୋଉ ଚେମାର

ଏକୁଟିଆ ଦେଖି ବହୁ କଷ୍ଟରେ ସେ 

ପଚାରିଲେ ଚେମା ମାଆକୁ

ସତକୁହ ସାନ ପୁଅଟା କାହାର

ନିଜର ଭାବେ ମୁଁ ଯାହାକୁ

ସେଇଟାକୁ ଛାଡ଼ି ଆଉ ସବୁଯାକ

ଲାଗୁଛନ୍ତି ଏକା ଭଳିଆ

ହନୁମୁହାଁ ଟାଏ କେମିତି ହୋଇଲା

ତୁମ ସାନପୁଅ ଜଳିଆ

ସନ୍ଦେହ ହେଉଛି, ଆଉ କେଉଁଠାରୁ

ଯଦି ପାଇଅଛ ଦାନରେ

କିଛି ନଭାବିକି ଶାନ୍ତିରେ ମରିବି

କହିଦିଅ ମୋଓ କାନରେ

ଲୁହ ପୋଛୁପୋଛୁ ଚେମାବୋଉ କହେ,

ଖୋଲୁଛି ଆଜି ଏ ଗୁମର

ପାଞ୍ଚ ପୁଅଝିଅ ଭିତରୁ ଜାଣିଥା'

ସାନଟା କେବଳ ତୁମର