ଲାଇବ୍ରେରୀ
ପ୍ରୋଫାଇଲ୍
ବୋଉର ରନ୍ଧା
ବୋଉର ରନ୍ଧା
1 min
311
ବିଲାତି ଧଣିଆ ବଢ଼ିଚୁରା ସାଥେ
ପଖାଳ ଭାତ
ଶେଷ ହେବାଯାଏ ଖାଉଥାଏ ମୁହିଁ
ଚାଟିକି ହାତ
ବାଡ଼ି ମଦରଙ୍ଗା , ବାଇଗଣ ପୋଡ଼ା
ଭରତା ଆଳୁ
ଭୋକଲାଗେ ଦେଖି ବୋଉମୋର ଭାତ
ଗାଳୁ ନ ଗାଳୁ
ଗାଆଁ ମୁଗଡାଲି ବିଲ ମୋଟି ଶାଗ
ପତର ପୋଡ଼ା
ଖାଇବାକୁ ମୁହିଁ ବସିଗଲେ ମୋର
ଆଉକି ଲୋଡ଼ା
ଚାଉଳ ବିରିର ଶିଳବଟା ସେଇ
ଚକୁଳି ପିଠା
ଗାଈଘିଅ ସାଥେ ଚୁଲୀମୁଣ୍ଡେ ଖିଆ
ଆହାକି ମିଠା
ମାଛ କି ମାଉଁସ ଯେତେ ଯାହା ହେଉ
ବୋଉର ରନ୍ଧା
ବଞ୍ଚି ଥିବାଯାଏ ଭୁଲି ପାରିବିନି
ହୋଇଛି ବନ୍ଧା
