ବାବୁଙ୍କୁ ହେଲା ସତାବନ

  ବାବୁଙ୍କୁତ ହେଲା ସତାବନ ଏବେ

      ଭାବୁଛନ୍ତି ସିଏ ସତର

 ଶୋଳ ବୟସୀଙ୍କ ମନ କିଣିବାକୁ

      ବୋଳି ହେଉଛନ୍ତି ଅତର ।

 ପକେଟରେ ବାବୁ ପାନିଆ ରଖନ୍ତି

     ମୁଣ୍ଡରେ ନାହିଁତ ଛପର

କେରାଏ ବାଳକୁ କଳା କରି ବାବୁ

  କଳିକୁ ଭାବନ୍ତି ଦ୍ବାପର ।

   ଫେସ୍ ବୁକ୍ ରେ ତ ଗୀତ ଛାଡୁଛନ୍ତି

        ଗୀତ ନୁହେଁ ପ୍ରେମ ପତର

   ଅନେକେ ମହିଳା ଲାଇକ୍ ମାରନ୍ତି

         ଦିଅନ୍ତିନି କେହି ଉତ୍ତର ।

   ବଳ ନାହିଁ ଆଉ ଖେଳ ଖେଳିବାକୁ

       ହାତ ପାଦ ସବୁ ମନ୍ଥର

  ସୁନ୍ଦରୀ ମାନଙ୍କୁ ଦେଖିଲେ ବାବୁଙ୍କ

       ନିଶ୍ୱାସ ହୁଅଇ ପ୍ରଖର ।

  ଘରଣୀଙ୍କ ଦେହେ ହାତ ମାରିଲେ ତ

      କରେଣ୍ଟ ଲାଗଇ ଜବର

 ମ୍ୟାଡାମ କୁହନ୍ତି ଲାଜ ନାହିଁ ଟିକେ

     ବୟସକୁ ରଖ ନଜର ।।