ଏମିତି ସ୍ମୃତି
ଏମିତି ସ୍ମୃତି
ଗାଁ ନଈ କୂଳ ବୁଦା-ପଡ଼ିଆ
ଅଧଘଣ୍ଟା ଯାଏ ପେଟ ବାଡ଼ିଆ !
ମହାଦେବ ଷଣ୍ଢ ପିଠିରେ ଚଢ଼ି
ଛାଡିଥିଲେ ଆମେ କେତେ ଯେ ରଡ଼ି !
ଚୋରେଇ ଖାଇଛେ ବାରି ନଡ଼ିଆ
ବୁଢ଼ୀଗାଳି ସତେ କେତେ ବଢ଼ିଆ !
ପ୍ରିୟା ପାଇଁ ଯେତେ ଲେଖିଛେ ଚିଠି
ଦେଇନେ, ତେଣୁ ସେ କଲା ଚଉଠୀ !
ଗାଁ ମାଇପେଙ୍କ ଟାହିଟାପରା
କେତେ କୁତୁକୁତୁ ଲାଗିଛି ପରା !
ସାଙ୍ଗ ମେଳେ ପୁଣି ଲଗେଇ ବିଡ଼ି
ଖଣ୍ଡିକାଶ କେତେ ଦେଇଛେ ଛାଡ଼ି !
ଏମିତି ସ୍ମୃତି...
କୋଉଠି ହଜିଲା ? ଖୋଜୁଛି ନିତି !!
ଫାଲତୁ ଫିତୁ
୯୫୮୩୬୭୮୩୪୫