ବାହାଘର ଦିନ

ପଚାରେ ଆଜି ମୁଁ ମୋର ଶ୍ୱଶୁରକୁ

ତା' ଖିଲି ହସକୁ ଦେଖି

କଅଣ ହୋଇଛି ଅହୋ ମୋ ଶ୍ୱଶୁର

ଯାଇଛ ଆନନ୍ଦେ ମାତି |

ଶ୍ୱଶୁର କହନ୍ତି ଖିଲି ଖିଲି ହସି

ଶୁଣ ଜୁଇଁ ପୁଅ ମୋର

ଆଜି ପରା ମୋର ବିବାହ ଦିନଟି

ମନେପଡେ ନାହିଁ ତୋ'ର |

ଆଜି ହେବେ ବର ଶ୍ୱଶୁର ମୋଅର

ଆଜି ସେ କଟକ ରାଜା

ଜାଣିବ ଜଗତ ଆଜି ବିଭା ଦିନ

ବାଜିବ ଡିଜେରେ ବାଜା |

ଶାଶୁ ମାଆ ମୋର ଆସିଲେଣି ଏବେ

ବର କନ୍ୟାଟେ ହୋଇ

ଲାଜେଇ ପଡୁଛି ବରକୁ ଦେଖିଣ

ହସୁଛି ଖନେଇ ସେହି |

ଏତିକି ପ୍ରାର୍ଥନା ପ୍ରଭୁପାଦ ତଳେ

ଶୁଣିବ ପ୍ରଭୁ ମୋ ଗୁହାରି

ସଦା ହସୁଥାଉ ମୋ ଶାଶୁ ଶ୍ୱଶୁର

ଝରିଯାଉ ଆନନ୍ଦ ବାରି ||