ପ୍ରିୟା ମୋ ଅମାବାସ୍ୟା

କେମିତି ଭୁଲିଲୁ ଅଭୁଲା ସ୍ମୃତିକୁ,ମୁଁ ଜମା ପାରୁନି ଭୁଲି

କେଉଁ ଅପରାଧେ ଅପରାଧୀ କରି,ଦୁରେଇ ତୁ ଗଲୁ ଚାଲି |

ଭାବିଥିଲି ତୋତେ ମନର ମାନସୀ,ମୋ ପ୍ରେମ ପ୍ରୀତିର ରାଣୀ

ଆଜି ମୁଁ ଭାବୁଛି ସ୍ନେହ ସମ୍ପର୍କରେ,ହୃଦୟ ତୋହରି ନାହିଁ।

ଅତୀତର ସ୍ମୁତି ପ୍ରେମର ପୀରତି, ଆଖିରେ ଘୁରୁଛି ଖାଲି

କେମିତି ଭୁଲିଲୁ ଅଭୁଲା ସ୍ମୃତିକୁ,ମୁଁ ଜମା ପାରୁନି ଭୁଲି | 

ଉଡୁଥିଲେ ଦିନେ ଶୁଆ ଶାରୀ ହୋଇ, ମନରେ ମନକୁ ମିଳି

ଆଜି ସେହି ଶାରୀ ସ୍ୱାର୍ଥପର ହୋଇ, ଶୁଆଟିକୁ ଗଲା ଭୁଲି |

ମନେପଡେ ଆଜି ଆମରି ପ୍ରେମର,ପ୍ରଥମର ସେହି ଦିନ

କହିଥିଲୁ ତୁହି ଶପଥ କରିଣ, ଆମ ପ୍ରେମ ଚିରନ୍ତନ।

କେମିତି ଭୁଲିଲୁ ସେହି ଶପଥକୁ, ଭାବି ମୁଁ ହେଉଛି ଭାଳି

କେଉଁ ଅପରାଧେ ଅପରାଧୀ କରି,ଦୂରେଇ ତୁ ଗଲୁ ଚାଲି |

ଭାବିଥିଲି ପ୍ରିୟା ଆମରି ସମ୍ପର୍କ, ପୂର୍ଣ୍ଣିମା ରାତି ଚନ୍ଦ୍ରମା

ଜାଣିଗଲି ଆଜି ତୁହି ଅଟୁ ମୋର , ଅମବାସ୍ୟା ପ୍ରିୟତମା |