ବାପା

ବାସି ପଖାଳର ପେଜ ପିଇ ତୁମେ, ଦିଅ ମୋତେ ରନ୍ଧାଭାତ

ତୁମ ପରି ଆଉ କିଏ ବା ହୋଇବ, ତୁମେ ବାପା ପ୍ରାଣନାଥ |

ଗ୍ରୀଷ୍ମ ବର୍ଷା ଶୀତ ସହ୍ୟ କରି ତୁମେ କର କେତେ ପରିଶ୍ରମ

ସର୍ବଦା ବ୍ୟାକୁଳ ମୋହରି ଚିନ୍ତାରେ, ବାପା ତୁମ ପ୍ରାଣ ମନ |

ସର୍ବ ସୁଖ ତୁମେ ତ୍ୟାଗକରି ବାପା, ବଢାଅ ଆଶିଷ ହାତ

ବାସି ପଖାଳର ପେଜ ପିଇ ତୁମେ, ଦିଅ ମୋତେ

ରନ୍ଧାଭାତ | 

କୌଣସି ସମୟେ ମୁଁ ଅସୁସ୍ଥ ହେଲେ କେତେ ସେବା କର ବାପା

ସର୍ବଦା ତୁମେ କେତେ ଯତ୍ନ ନିଅ, କେବେବି ନ ହୋଇ ଖପା |

ତୁମେ ମାଆ ମୋର ତୁମେ ବାପା ମୋର, ତୁମେ ମୋର ସବୁକିଛି

ତୁମ ବିନା ନାହିଁ ବାପା ମୋ' ଠିକଣା, ତୁମ ବିନା ନାହିଁ କିଛି |

ତୁମ କୋଳେ ବାପା ଅଛି ସ୍ୱର୍ଗପୁର, ତୁମେ ହିଁ ଶ୍ରୀ ଗୋପୀନାଥ

ତୁମ ପରି ଆଉ କିଏ ବା ହୋଇବ, ତୁମେ ବାପା ପ୍ରାଣନାଥ |

ଏତିକି ଗୁହାରି ତୁମକୁ ବାପା ହେ, କେବେ ଛାଡ଼ନି ମୋ ହାତ

ତୁମରି କୋଳରେ ସଦା ରହିଯିବି, ଦେଖି ତୁମ ନାଲି ନେତ |